Lage Tuñas advirte que o 20-N están "en xogo" dereitos sociais e critica a política "retrógrada" do PP

Acusa a Núñez Feijóo de "apoiar co seu silencio" o recurso do PP contra a lei de matrimonio homosexual

O voceiro da Área Institucional do Grupo Socialista, José Manuel Lage Tuñas, alertou de que nas próximas eleccións do 20-N "están en xogo as conquistas dos últimos anos no terreo dos dereitos e liberdades dos cidadáns" e censurou as medidas sociais "retrógradas" do PP no ámbito social.

Así o asegurou este sábado no III Xantar pola visibilidade Rural LGTB, celebrado no municipio coruñés de Cerceda polo Grupo de Gays, Lesbianas, transexuais e Bisexuais (LGTB) do PSdeG, no que proclamou que "o modelo de sociedade que defende o PP priva de dereitos ás persoas en función da súa orientación sexual".

Neste sentido, criticou a actitude do presidente da Xunta, Alberto Núñez Feijóo ante esta situación, ao que acusou de "apoiar co seu silencio" o recurso do PP ante o Tribunal Constitucional contra a lei que permite o matrimonio entre persoas do mesmo sexo e a adopción conxunta, aprobada polo Goberno central en xuño de 2005.

Así mesmo, aludiu á lei de familia aprobada polo PP galego á que tachou de "retrógrada e involucionista", e sinalou que o conselo Económico e Social tivo que reprobala "por negar a realidade social e polo seu carácter regresivo e patriarcal, intentando recortar dereitos á muller".

AMPLIACIÓN DE DEREITOS

No lado contrario, destacou que "nos últimos oito anos en España se avanzou de forma importante na ampliación e recoñecemento de dereitos, sempre da man do Partido Socialista". A este respecto, recordou que a lei de matrimonio homosexual permitiu que máis de 20.000 parellas en España exerceran este dereito" dende 2005.

Por outra banda, Lage Tuñas mostrou o seu apoio ao grupo LGTB do PSdeG "polo grande traballo que realizan para que as leis e o traballo institucional teña reflexo real na sociedade", conseguindo así "superar vellos fantasmas e a rancia homofobia aínda existente en diferentes ámbitos sociais".

Na súa intervención, o deputado socialista tamén mencionou a materia de Educación para a Cidadanía, a Lei de identidade sexual ou a creación de Unidades e Servizos de Referencia para o cambio de sexo, como avais dos progresos en materia social que tiveron lugar baixo o auspicio do Goberno socialista.

Con este acto, o grupo LGTB dos socialistas de Galicia mostrou por terceiro ano o seu apoio a lesbianas, gay, transexuais e bisexuais que viven os núcleos rurais da Comunidade, en especial a aqueles que sofren de acoso pola súa condición sexual.

NOTA DO GRUPO LGTB DOS SOCIALSITAS GALEGOS NO DÍA DA VISIVILIDADE RURAL GALEGA.

É o terceiro anos que celebramos este xantar de revindicacion da realidade lesbiana, gai, transexual e bisexual no mundo rural, nas aldeas e Vilas de Galicia. Monterroso en Lugo o primeiro ano, Castrelo de Miño o pasado ano en Ourense, e o próximo ano trasladarémonos a algunha vila de Pontevedra.

Non é fácil vivir nun pobo pequeno sendo gai, lesbiana, transexual ou bisexual.
Sabemos que a homofobia esta a a orde do día, ese medo ao descoñecido. Por iso estamos aquí, para que as xentes do pobo véxanos, saiban quen somos e aos poucos ir normalizando a nosa realidade.
É un traballo que hai que ir facendo lentamente pero que irá dando o seu froito.
Aínda que é certo que hai xente moi valente que non lle importa vivir a súa vida sen ningún problema.
E aquí as mozas gáñannos. Coñecemos Mozas que viven nas súas explotacións agrícolas. Mozas que todos os días sacan esa forza para vivir nunha contorna que non lles é fácil. Elas tamén fan activismo.

Penso que é hora que deamos un paso máis contra a homofobia, que saquemos forzas e cada vez que nos insultan ou nos agreden moral ou fisicamente denunciémolo. Se nós que estamos fóra do armario e que temos o apoio dos nosos amigos e familia, non o facemos. Como llo imos a pedir que o faga unha moza ou un mozo que está empezando a vivir a súa afectivo-sexualidade ou que vive nunha parroquia de Cerceda. Debemos de loitar contra esa enfermidade que se chama Homofobia.
Como fixo o noso compañeiro José Manuel Montero, o noso coordinador en Ourense, que tivo a valentía de denunciar uns insultos que se saldo coa condena do homofobo e unha multa de de 200 euros.

Por iso o Grupo LGTB "7 CORES" e os Socialistas de Galicia imos presentar varias iniciativas nos próximos meses para loitar contra a homofobia.

Presentaremos no parlamento Galego a lei Galega de Visibilidade LGTB que estivemos elaborando coa axuda da nosa compañeira no parlamento Galego Silvia Fraga e o noso compañeiro J. M. Villaverde. Unha lei que tratase de forma transversal o problema LGTB nos ámbitos da educación, a sanidade, a xustiza, o laboral, o social, o tempo libre, a cultura? O borrador desta lei xa foi presentada pola nosa secretaria de movementos sociais Laura Seara aos colectivos LGTB da nosa comunidade para que fagan as súas achegas.

E tamén presentaremos unha campaña para educar e axudar a denunciar todos aqueles feitos homofobos que suframos. Cremos que non pode quedar en terra de ninguén todas esas agresións constantes sobre as xentes LGTB. Ademais temos o problema de que como non se denuncian estas agresións, por pequenas que sexan, non existen datos estatísticos para poder afrontar o problema dunha forma máis real. Neste proxecto estamos traballando xunto a Javier Graña e Miguel Núñez.

E para acabar dicirvos que parece ser que hai nuboeiros que ameazan os nosos dereitos. O partido do señor Rajoy segue mantendo o recurso contra o matrimonio homosexual no tribunal constitucional.
Din que queren converter aos matrimonios homosexuais en unións civís. Din, porque todo o seu programa electoral está nunha axenda oculta, que non ten narices a ensinarnos. Pero debemos traballar e soprar todas e todos xuntos para que eses nuboeiros descarguen a súa tormenta en metade do atlántico e non sobre nós. Por iso pídovos que traballemos xuntos para que non se produza esta perda de dereitos, desde aquí o partido socialista ou desde calquera dos colectivos das nosas cidades.

Pero como polo momento temos dereitos imos gozalos como nós sabemos, xuntando reivindicación e alegría. Así que aquí estamos nós para pasar unha tarde divertida, coa axuda da Cona Ye-Ye e de Humberto Longueira Rianxeira, a Drag rural Galega.

FESTA E REIVINCACIÓN EN CERCEDA NO III XANTAR POLA VISIBILIDAD LGTB NO RURAL

Este sabado celebramos o III Xantar pola Visibilidda Rural no concello de Cerceda.
Contamos coa presenza de Laura Seara, J.M Lage, Silvia Fraga, a TT de Alcalde e varias concelleiras do concello de Cerceda. E por suposto con todas e todos vos.

Foi unha xornada festiva pero á vez reividicativa, Fito Ferreiro Coordenador do Grupo LGTB dos Socialistas Galegos nos recordo que "Non é fácil vivir nun pobo pequeno sendo gai, lesbiana, transexual ou bisexual. Sabemos que a homofobia esta a a orde do día, ese medo ao descoñecido. Por iso estamos aquí, para que as xentes do pobo véxanos, saiban quen somos e aos poucos ir normalizando a nosa realidade.
É un traballo que hai que ir facendo lentamente pero que irá dando o seu froito."

Silvia Fraga fálonos da lei de Visibilidade Galega "Unha lei que tratará de forma transversal o problema LGTB nos ámbitos da educación, a sanidade, a xustiza, o laboral, o social, o tempo libre, a cultura..."

J. M. Lage advirtio de que o 20-N estan en xogo dereitos sociais e critico a politica retrógoda do PP. Acuso a Nuñez Feeijo de "apoiar co seu silencio" o recurso do PP contra a lei de Matrimonio homosexual.

Por motivos de axenda da nosa compañeira Laura Seara, secretaria de Estado de Igualdade, chego á comida. Nas sobremesas nos comento que "A lei de Igualdade de trato non quedase alvidada pola o adianto electoral. E que sera unha das prioridades dos socialilstas na proximas lexislatura".

A xornada termino coa Actuacion do trabsformista Humberto Longueira Rianxeira e a Banda de Ordes A Cona Ye-Ye. Recomendámosvos que non vos perdais a actuacións da "Cona Ye-Ye" nin do transformista Galego "Humberto Riaxenira". Fenomenais e grazas pola vosa dedicacion.


Ao final debido ao mal tempo non puidemos ir ao Aquapark. Pero habemos decidio que faremos unha visita ao parque acuatico en canto volva a brir as súas portas.

Grazas aos compañeiros do partido por todo o apoio prestado para que esta xornada saíse ben

III XANTAS, COMO CHEGAR.

Entrades en Cerceda pola vía principal, Avda da Coruña, ide recto, ó pasar a gasolinera xirades a esquerda no primeiro cruce, a uns metros hai unha rotonda na que tamén seguides recto, continúade durante uns 4 ou 5 kms e xa estamos!!

Habera uns globos nas arbores da estrada donde esta a area recreativa de Portobrea, na parroquia de Queixa.

Para ir desde A Coruña o mellor e ir pola Zapateira, donde colleremos o tramo de 3ª ronda ata Ledoño y ali a estrada que vai a Cerceda e Mesón do Vento. Nos leva uns 20minutos.

ESTE SABADO 3, VÉMONOS NO III XANTAR POLA VISIBILIDAD LGTB NO RURAL

Aqui podedes ver as fotos onde sera o III XANTAR POLA VISIBILIDAD LGTB NO RURAL, como vedes é un sitio moi bonito, con rio, mesas, sombras e baños. Un sitio onde imos a pasar un dia xenial.

Xa temos pechadas as actividades, pedímosvos puntualidade para que ás 17:30 poidamos ir refrescarnos e divertirnos todas e todos o aquapark.

O sitio é o area recreativa de Portobrea na parroquia de Queixas. Proximamente darémosvos mais detalles de como chegar.

A partir das 13:00 horas verémonos alí, traervos a comida, bebida, mantel, servilletas, xogos, balóns...

A Axenda sera a siguiente,

13:00 Chegada o Area Recreativa de Portobrea, parroquia de Queixas (Cerceda)

13:30 Xantar

15:30 Actuacións e Xogos.

Humberto Longueira Rianxeira e A Cona Ye-Ye

17:30 as 20:00 Aquapark.

Asi que traede bañador e toalla para disfrutar do Aquapark.

Mais información sobre as actuacións,

http://www.facebook.com/event.php?eid=192431080821549#!/humberrianxeirafanclub

http://www.facebook.com/pages/A-Cona-Ye-y%C3%A9/177797905566565?sk=wall

III XANTAR POLA VISIBILIDADE RURAL LGTB EN CERCEDA (A CORUÑA)

O GRUPO LGTB DOS SOCIALISTAS DE GALICIA CELEBRA O III XANTAR POLA VISIBILIDADE RURAL LGTB EN CERCEDA (A CORUÑA)

O grupo de Gais, lesbianas, transexuais e bisexuais do PSdeG-PSOE celebra o "III XANTAR RURAL POLA VISIBILIDADE RURAL LGTB".

Este ano celebraremos o xantar o 3 de setembro no concello de Cerceda, na área recreativa de Portobrea, na parroquia de Queixas. Proximamente darémosvos máis detalles de como chegar.

Con este acto o grupo LGTB do Partido dos Socialistas de Galicia queremos dar o noso apoio e cariño a todas esas mulleres lesbianas, homes gais e transexuais que viven o seu día a día nas nosas aldeas e vilas. Queremos así revindicar a loita diaria que fan todas as persoas homosexuais, transexuais e bisexuais que viven no noso rural. En especial as persoas que son acosadas pola homofobia, como é o caso do noso compañeiro Jose Manuel de Ourense.

Este é un acto dos Socialistas de Galicia, polo que animamos a todas e todos @s militantes e simpatizantes, e tamén as amigas e amigos a que se animen a pasar este día connosco. É importante que na loita pola nosa igualdade sintamos o apoio de toda a sociedade.

Temos que unirnos todos e berrar forte contra a intolerancia.

Xa temos pechadas as actividades, pedímosvos que sexades moi puntuais para que ás 17:30 poidamos ir refrescarnos todas e todos ao Aquapark.

A partir das 13:00 horas verémonos alí. Traede comida, bebida, mantel, servilletas, xogos, balóns...

A axenda será a siguiente:

13:00 Chegada á área recreativa de Portobrea, parroquia de Queixas (Cerceda)
13:30 Xantar
15:30 Actuacións e xogos. Humberto Longueira Rianxeira e A Cona Ye-Ye
De 17:30 a 20:00 Aquapark.

Así que traede bañador e toalla para poderdes gozar do Aquapark.

Máis información sobre as actuacións e o Xantar:
http://www.facebook.com/fitoferreiro#!/event.php?eid=192431080821549

http://www.facebook.com/event.php?eid=192431080821549#!/humberrianxeirafanclub

http://www.facebook.com/pages/A-Cona-Ye-y%C3%A9/177797905566565?sk=wall

O GRUPO DE LGTB DO PSdeG “7 CORES” CONSIDERA UN PASO ADIANTE, NA LOITA CONTRA A HOMOFOBIA A SENTENZA QUE CONDENA A UNHA PERSOA POR HOMOFOBIA.

O GRUPO DE LGTB DO PSdeG “7 CORES” CONSIDERA UN PASO
ADIANTE, NA LOITA CONTRA A HOMOFOBIA A SENTENZA QUE
CONDENA A UNHA PERSOA POR PROFERIR INSULTOS HOMÓFOBOS



Santiago de Compostela, 12 de agosto de 2011. O coordinador do grupo
LGTB do PSdeG, Fito Ferreiro amosou a súa satisfacción tras coñecer a
sentencia que condena a unha persoa por proferir insultos homófobos. “Esta
sentenza é un paso adiante na loita contra a homofobia”, aseverou.

Os feitos denunciados no seu día aconteceron o pasado sábado 6 de agosto,
cando o coordinador do “7 CORES” en Ourense, José Manuel Montero, foi
insultado mentres paseaba por diante dunha terraza na cidade das Burgas.
José Manuel denunciou os feitos e no xuízo rápido que se celebrou ós poucos
días, o acusado foi declarado culpable por inxurias homófobas e condenado ao
pago dunha multa de 200 euros.

O grupo LGTB do PSdeG, “7 Cores”, amósase satisfeito por esta condena,
aínda que dende o colectivo consideran que este acto non é un feito illado xa
que o seu compañeiro de Ourense, dende fai dous anos está a sufrir un acoso
continuo sobre a súa persoa. Por tal motivo dende “7 Cores” pensan que o
máis axeitado sería que o Fiscal decidise dar inicio a unha investigación sobre
esta situación.

Tanto dende o grupo LGTB, como dende o propio PSdeG dáselle un total apoio
a este compañeiro de Ourense, ó tempo que se lle esixe á xustiza que actúe
de forma contundente nos casos de homofobia, Do mesmo xeito, felicitaron a
José Manuel Montero e a súa familia pola forza que tivo para denunciar ante
axustiza os feitos acontecidos.

Dende grupo LGTB do PSdeG insisten na necesidade de denunciar estes
casos como a única forma para acabar cos casos de homofobia.

O PSdeG-PSOE congratúlase de ser o partido que promove a “Lei de
Igualdade de Trato”, unha lei que promoverá a loita contra as discriminacións,
como a homofobia e que actuará preventivamente para que estas non
sucedan.