O colectivo de lesbianas, homosexual, transexuais e bisexuais "Milhomes" entregou á Concellaría de Servizos Sociais a décima edición do premio Marcela e Elisa. A asociación considera que as actividades de "sensibilización cidadá" emprendidas polo departamento municipal durante os últimos anos fano merecedor do galardón. Entre as iniciativas citadas por Milhomes atópanse o festival Coruña Visible, a celebración do Día do Orgullo Gai, o certame Cinema Visible, a rúa dedicada a Tomás Fábregas e a apertura da oficina de mediación para gais, lesbianas e transexuais.
"Estes e máis temas puntuais son motivos suficientes para ter claro que estamos ante un compromiso destacado", indicou o colectivo por medio dun comunicado. Milhomes defende que o premio á Concellaría de Servizos Sociais non debe levantar sospeitas debido ao seu espírito combativo durante os últimos anos
No hay comentarios:
Publicar un comentario