lunes, 10 de mayo de 2010

ACTOS De 7CORES NO DÍA MUNDIAL CONTRA A HOMOFOBIA EN LUGO

O PSdeG-PSOE e o grupo de Lesbianas, Gais, Transexuais e Bisexuais dos Socialistas Galegos celebran o Día Mundial contra a Homofobia o próximo día 15 de maio.

Este ano celébrase o vixésimo aniversario desde que a OMS retirou a homosexualidade como enfermidade.

SÁBADO 15 DE MAIO

AS 19:00 NA PRAZA DO CAMPO DE LUGO

AS 00:00 FESTA NO GLAM CLUB




Apoiamos a declaración do día 17 de maio como Día Internacional contra a Homofobia e a Transfobia e instamos ó Goberno de España a que solicite diante da Organización de Nacións Unidas a declaración deste como Día Internacional contra a Homofobia e a Transfobia, en defensa dun dos principios básicos da Carta Internacional dos Dereitos Fundamentais, como é a non discriminación.

Do mesmo xeito instamos ó Goberno de España a defender diante da Organización Mundial da Saúde (OMS) para que deixe de considerar a transexualidade como trastorno mental e promova o acceso á atención sanitaria e ó apoio psicolóxico que estas persoas necesitan, incluíndo a reasignación de xénero se fose desexada; que lles permitan adaptar o status civil ó seu xénero de preferencia e vivir a súa vida social, familiar e profesional sen ser expostos nin expostas á transfobia, ó prexuízo e ós crimes de odio, sendo protexidos e protexidas pola policía e os sistemas xudiciais fronte todo tipo de violencia, física ou non.

Pedimos ó Goberno de España que promova que os Organismos de Dereitos Humanos de Nacións Unidas examinen as violacións dos dereitos humanos que afrontan as persoas homosexuais, bisexuais e transexuais en todo o mundo e que tomen medidas concretas para combatelas, instando ós países do mundo a que erradiquen a discriminación por motivos de orientación sexual ou identidade de xénero. Solicitamos ás institucións públicas que traballen activamente contra a homofobia, transfobia e a bifobia e que cumpran as normativas de igualdade de trato da Comunidade Europea, de España e Galicia.

No hay comentarios: