viernes, 3 de julio de 2009

DOUS ANOS DO GRUPO LGTB SOCIALISTA 7CORES

Escribimos coa resaca do 28 de Xuño recién pasado, a celebración dun orgullo que xa non só é importante como orgullo de ningún tipo de manifestación sexual e afectiva, unha data que para nós, como parte do colectivo socialista 7Cores recolle un orgullo propio, noso, máis noso que nunca pola traxectoria percorrida nestes últimos anos e cun fruto obvio e máis que evidente neste pasado fin de semana. Tras un par de anos traballando, facendo a calle, e miramos con máis ilusión e forza que nunca a cidade na que xordeu o proxecto, á comunidade da que somos parte política e socialmente, onde parece que vai permeando o discurso progresista que tentamos levar adiante con esforzo e ilusión.
Comezamos coa celebración de actividades máis ou menos notables, pero sempre orientadas á cidadanía que nos acompaña nas nosas casas, nas nosas familias, nos nosos círculos máis achegados. Se o ano pasado serviu como aliciente para non cansarse de organizar e moverse, este marca un antes e un despois. O diálogo parece por fin completamente aberto entre cidadanía e nós como colectivo, por fin somos un!. O diálogo está aberto pola nosa parte e a das autoridades políticas, que participan activamente das nosas ideas e das nosas propostas, axudando, colaborando e tendo en conta a forza dun colectivo que tradicionalemente ten perdido o seu impacto por apatía, pero non propia, senón a aptaía d@s desposeíd@s, @s que nunca teñen nada que perder porque nunca tiveron nada e non se lles ofrece nada novo. Pero as cousas parecen cambiar, parecen soplar novos ventose a mostra é a mirada atrás que podemos facer agora, a posteriori do noso propio ano novo, tras o orgullo.
Se as primeiras propostas buscaban tentar un acercamento cultural da cidade á realidade invisíble da comunidade LGBT celebrando encontros como as chocolatadas para que quixera achegarse e falar, organizando un festival como o Visíble, no que se incluía unha óptica máis artística e cultural, este ano consolídase un camiño que continúa aberto á participación nas chocolatadas que facemos de cando en vez, organizando e consolidando o Visíble e facendo que creza, facendo do 28 unha celebración multitudinaria de alegría para tod@s @s que se achegaron a celebrala. Pero ademáis implícanse agora os elementos sociais de información e servizo á cidadanía, as bibliotecas ábren as súas portas para organizar alí videofórums e charlas a traballador@s para mostrar de cerca a realidade LGBT, difundindo información, facendo de ponte entre tod@s nós como cidadáns. E a política cae do noso lado da balanza colaborando, facilitando a creación dunha figura esencial para a socidade LGBT como é a do servicio de información en mediación LGTB do concello de A Coruña, nun intento de redireccionar e axudar a quen necesite de asesoramiento en temas relacionados co día a día LGBT en termos de discriminación, trato coa familia, no traballo, etc...Facilitando tamén a nosa implicación coas institucións educativas por medio de charlas nos institutos como forma de loitar contra a homofobia imperante na sociedade e aprendida e alimentada en moitos casos dende as institucións educativas, voluntaria ou involuntariamente.
Afortunadamente esto só é o principio, quedan moitas cousas por facer e moitos pilares por tirar, pero seguimos pensando en afortunadamente porque o engranaxe comeza a desenferruxarse, a camiñar, pouco a pouco crecen @s achegad@s, @s militantes, @s activistas, simpatizantes... E por eso mesmo, que mellor que rematar esta nota facendo unha invitación a tod@s a participar con nós do noso orgullo propio, de movernos e facer que as cusas cambien e continúen un proceso de mellora social, sexa como afiliados, como partes activistas, ideolóxicas, materiais ou intanxibles por medio virtual...como sexa, pero animándovos a tod@s a participar do noso entusiasmo máis forte que nunca e máis entusiasta que nunca. O camiño faise andando, e parece que xa hai algo por detrás, e todo por diante...

Podedes escribirnos a lgtb@psoecoruna.org o votarlle unha mirada o noso blog http://grupo7colores.blogspot.com/

Feliz cambio a tod@s...

Nelson G. Rodríguez Avilez
Colectivo LGTB do PsdG-PSOE 7Cores

1 comentario:

Catuxa dijo...

Son unha das bibliotecarias que esa semana tivemos a ocasión de compartir a vosa charla de aclaracións sobre o LGTB. Curiosamente lendo un dos blogs que sigo a miudo,o de Jesus Encinar (empresario e un dos gays que cada ano repite na lista dos mais influentes no panorama español) atopome con duas recomendacións de lecturas de tematica LGTB que acaban de publicar, botadelle unha ollada.